15 oktyabr 2012 18:59
Azərbaycan çempionu DÇ-yə məğlubiyyətlə başladı (YENİLƏNİB)
Azərbaycanın qadınlardan ibarət “Rabitə” voleybol klubu bu gün klublararası dünya çempionatında ilk matçına çıxıb. Azerisport.az xəbər verir ki, ölkə çempionu start matçında Braziliyanın “Sollis Osasco” klubu ilə qarşılaşıb.
Qeyd edək ki, braziliyalılar buna qədər bir oyunlarını keçirmişdilər. Onlar “Bohay Bank” (Çin) ilə qarşılaşmada 3:0 hesablı qələbəyə sevinmişdilər. Bu üzdən təmsilçimiz mərhələ adlamaq üçün bu rəqibini məğlub etməyə borclu idi.
Lakin təəssüf ki, "rabitəçilər" bu görüşü məğlub başa vurublar və finala çıxmaq şanslarını çətinə salıblar.
Azərbaycan çempionunun qrup mərhələsindəki digər oyunu isə oktyabrın 16-da Çinin “Bohay Bank” komandası ilə olacaq.
Maraq üçün xatırladaq ki, “Rabitə” bu turnirdə titulunu qorumaq üçün mübarizə aparır. “Rabitəçilər” ötən mövsüm dünya çempionatında hamıdan güclü olmuşdular.
Klublararası dünya çempionatı
Qrup mərhələsi
15 oktyabr
Rabitə - Sollis Osasco - 1:3 (25:22, 20:25, 19:25, 20;25)
