6 oktyabr 2012 16:08
Azərbaycan AÇ-2013-dəki rəqiblərini tanıdı
Bu gün qadın voleybolçular arasında 2013-cü ildə keçiriləcək Avropa çempionatının püşkatma mərasimi baş tutub. Azerisport.az xəbər verir ki, sözügedən tədbirdə Azərbaycan yığmasının da rəqibləri müəyyənləşib.
Faiq Qarayevin yetirmələri C qrupunda Rusiya və Belarusla mübarizə aparacaqlar. Komandamızın daha bir rəqibinin kimliyinə isə 2013-cü ilin may ayında baş tutacaq Belarus – Slovakiya matçında aydınlıq gələcək. Bu cütün qalibi məhz yığmamızın qrupundakı komandalarla qarşılaşmaq hüququna yiyələnəcək.
Bütövlükdə, püşkatma nəticəsində aşağıdakı qruplar müəyyənləşib:
А qrupu (Berlin): Almaniya, Türkiyə, İspaniya, Hollandiya
В qrupu (Sürix): İsveçrə, İtaliya, Belçika, Ukrayna/Fransa
С qrupu (Drezden): Rusiya, Xorvatiya, Azərbaycan, Belarus/Slovakiya
D qrupu (Şverin): Polşa, Serbiya, Bolqarıstan, Rumıniya/Çexiya
Qeyd edək ki, qrup mərhələsinin oyunları Almaniyada keçiriləcək, dördlər finalına isə İsveçrə ev sahibliyi edəcək.
