17 sentyabr 2012 02:12
Yığmamızın 12 potensial rəqibi məlumdu
Qadın voleybolçulardan ibarət yığmalar arasında AÇ-2013-ün seçmə mərhələsinin ikinci dövrəsinin oyunları başa çatdıqdan sonra növbəti qitə birinciliyinin final mərhələsinə vəsiqə qazanan 13 iştirakçının adı müəyyənləşib. Azerisport.az xəbər verir ki, bunlardan biri Azərbaycan millisidi.
Faiq Qarayevin yetirmələrinin potensial rəqiblərinin siyahısına gəlincə, bunlar Almaniya, İsveçrə, Serbiya, Türkiyə, İtaliya, Polşa, Rusiya, Belçika, Bolqarıstan, Xorvatiya, Hollandiya və İspaniyadı.
Qalan 3 vəsiqə uğrunda isə Slovakiya, Ukrayna, Belarus, Rumıniya, Fransa və Çexiya mübarizə aparacaq.
Qeyd edək ki, final mərhələsinin püşkü bu ilin payızında atılacaq. Qrup mərhələsinin oyunları Almaniyada keçiriləcək, dördlər finalına isə İsveçrə ev sahibliyi edəcək.
