15 sentyabr 2012 20:15
Azərbaycan Avstriyanı da darmadağın etdi (YENİLƏNİB)
Bakı İdman Sarayında qadın voleybolçulardan ibarət yığmalar arasında Avropa çempionatının seçmə mərhələsinin C qrupunda ikinci dövrənin 2-ci turunun oyunları keçirilib. Azerisport.az xəbər verir ki, arenanın meydançasına öncə Belarus və Finlandiya yığmaları çıxıblar.
Belarus qələbə qazanan tərəf olub. Nəticədə bu komanda ikinci pillədəki mövqeyini möhkəmləndirib.
Günün ikinci görüşündə isə yığmamız Avstriya ilə münasibətlərinə aydınlıq gətirib. Görüş millimizin növbəti böyük hesablı qələbəsi ilə başa çatıb.
Xatırladaq ki, bu qrupun Finlandiyada baş tutan ilk dövrə oyunlarında Azərbaycan millisi hər üç görüşdə bu rəqiblərini darmadağın etmişdi. Bakıdakı ilk görüşündə isə Faiq Qarayevin yetirmələri Finlandiyanı asanlıqla yenmişdi – 3:0.
Voleybol
AÇ-2013-ün seçmə mərhələsi
C qrupu
15 sentyabr
BELARUS - FİNLANDİYA - 3:1 (26:24, 25:19, 23:25, 27:25)
AZƏRBAYCAN - AVSTRİYA - 3:0 (25:11, 25:16, 25:12)
Turnir cədvəli: Azərbaycan - 15 xal (15-0), Belarus - 12 (12:5), Finlandiya – 3 (5-12), Avstriya – 0 (0-15).
