13 sentyabr 2012 00:14
Rabitənin DÇ-dəki oyunlarının təqvimi bəlli oldu
Azərbaycanın qadın voleybolçulardan ibarət “Rabitə” klubunun Dohada keçiriləcək klublararası dünya çempionatındakı oyunlarının təqvimi müəyyənləşib. Azerisport.az xəbər verir ki, “rabitəçilər” A qrupuna düşüblər.
Bu qrupun ilk oyunları oktyabrın 15-də keçiriləcək ki, “Rabitə” startda “Solis Osasko” (Braziliya) ilə qarşılaşacaq. Növbəti gün isə Azərbaycan təmsilçisi Çinin “Bohay Bank” klubu ilə münasibətlərinə aydınlıq gətirəcək.
Turnirin yarımfinal görüşləri ayın 18-də keçiriləcək. Final matçı isə oktyabrın 19-na təsadüf edəcək.
Qeyd edək ki, “Rabitə” bu turnirin son qalibidi. Bir sözlə, komandamız dünyanın ən güclüsü adını qorumalıdı.
