22 avqust 2012 14:57
Yığmamız Slovakiya üzərində qələbəyə sevindi
Voleybol üzrə Azərbaycan yığması Avropa çempionatının seçmə mərhələsinə hazırlıqlarını davam etdirir. Azerisport.az xəbər verir ki, növbəti tsiklə Bakıda hazırlaşan millimiz daha bir sınaq matçı keçirib.
Faiq Qarayev yetirmələrini yenə də birgə hazırlıq keçdikləri Slovakiya yığması ilə görüşdə sınayıb. Son sınaq matçında qələbəni millimiz bayram edib – 3:2. Maraq üçün xatırladaq ki, bir gün öncə keçirilən görüşdə slovakiyalılar qələbə qazanmışdılar – 3:0.
Qeyd edək ki, həm Slovakiya, həm də Azərbaycan yığması seçmə mərhələyə birgə hazırlaşırdı və bu dövrdə elə sınaq matçlarını da bir-birinə qarşı keçirirdilər.
