26 iyul 2012 14:58
Paytaxt klubunda amerikalı oyunçu
Bakının qadınlardan ibarət “Azərreyl” voleybol klubu heyətini gücləndirməkdə davam edir. Azerisport.az xəbər verir ki, paytaxt klubu ABŞ voleybolçusu Ariel Uilsonla müqavilə bağlayıb.
23 yaşlı blokçu ilə 1 illik razılıq əldə olunub. A.Uilson Polşanın “İmpel Qvardiya” klubundan transfer edilib. O, bu ölkədə uğur qazana bilməsə də, vətənində oynadığı ilk komandası “Stani Zjednoczone” ilə 4 dəfə ABŞ-ın universitetlərarası çempionatının qızıl medalını qazanıb.
Qeyd edək ki, italiyalı baş məşqçi Alessandro Kyappinin çalışdıracağı “Azərreyl” A.Uilsondan əvvəl Tina Lipiçer (Sloveniya), Anna Qrbaç (Xorvatiya), Luna Karokki (İtaliya), Debbi Stam, Manon Flier, Karolina Vensink (hər üçü Hollandiya), Akiko İno (Yaponiya), Milena Radeçka (Polşa) və Meqan Hodju (ABŞ) transfer edib, ötən ilki heyətdən Oksana Parxomenko, Polina Rəhimova (hər ikisi Azərbaycan) və Sara Anzanello (İtaliya) ilə müqaviləni yeniləyib.
