15 aprel 2012 18:09
Superliqa başa çatdı, Bakı üçüncü, Azərreyl sonuncu oldu
Bu gün qadın voleybolçular arasında Azərbaycan Super Liqasının final mərhələsinin sonuncu turunun oyunları keçirilib. Azerisport.az xəbər verir ki, həlledici mərhələnin onuncu turunda da iki görüş baş tutub.
Günün ilk oyununda “Bakı” ilə “İqtisadçı” qarşılaşıb. Paytaxtın eyni adlı təmsilçisi bu oyunda qələbə qazanaraq, Superliqanın bürünc medallarına sahib çıxıb.
Günün ikinci oyununda isə son ölkə çempionu “Rabitə” “Azərreyl” ilə üz-üzə gəlib. Ötən tur çempionluğunu rəsmiləşdirən “rabitəçilər” bu görüşdə də qələbə qazanıblar. “Azərreyl” isə məğlub olmaqla mövsümü sonuncu pillədə başa vurmaq məcburiyyətində qalıb.
Super Liqa
Final mərhələsi
10-cu tur
15 aprel
Bakı – İqtisadçı - 3:0 (25:17, 25:21, 25:19)
Rabitə - Azərreyl - 3:0 (25:16, 25:12, 25:19)
Turnir cədvəli: Rabitə - 21 xal (22-5), Lokomotiv - 12 (13-13), Bakı - 12 (12-13), İqtisaçdı - 8 (11-19), Azərreyl - 7 (11-19).
