13 aprel 2012 00:08
Azərbaycan yığması Slovakiyaya da uduzdu
Voleybol üzrə gənc qızlar arasında Avropa çempionatının D qrupunda ilk iki turun oyunları keçirilib. Azerisport.az xəbər verir ki, Slovakiyada keçirilən turnir Azərbaycan milli komandası üçün uğursuz başlayıb.
Belə ki, millimiz Avstriya voleybolçuları ilə qarşılaşmadan məğlub ayrılıb. Daha güclü olan rəqibimiz 3:0 hesabı ilə qalib gəlib.
Voleybolçularımız növbəti görüşünü Slovakiya yığmasına qarşı keçirib. Lakin təəssüf ki, ikinci oyunda da gülən tərəf məhz rəqibimiz olub – 0:3.
Çempionatın final mərhələsinə vəsiqə qazanmaq üçün qızlarımız Hollandiya, İsveçrə, Avstriya və Bolqarıstan milliləri ilə də qarşılaşacaqlar.
