6 aprel 2012 20:35
Bakı qisasını aldı, Azərreyl çətin qələbəyə sevindi
Bu gün qadın voleybolçular arasında Azərbaycan Super Liqasının final mərhələsinin növbəti turunun oyunları keçirilib. Azerisport.az xəbər verir ki, həlledici mərhələnin üçüncü turunda da iki görüş baş tutub.
Günün ilk oyununda “Azərreyl” və “İqtisadçı” qarşılaşıb. Ötən gün şok məğlubiyyətlə üzləşən “Azərreyl” bu dəfə çətinliklə də olsa, qələbə qazanmağı bacarıb.
Günün ikinci oyununda bir müddət öncə Çellenc kubokunun finalında ölüm-dirim savaşından çıxmış klublarımız – “Bakı” və “Lokomotiv” qarşılaşıb. Maraq üçün xatırladaq ki, həmin final oyunlarının daha güclüsü “dəmiryolçular” olmuşdular. Lakin “Bakı” həmin yenilginin qisasını çempionatda darmadağınla alıb.
Qeyd edək ki, bu turda finalın 5-ci iştirakçısı “Rabitə” istirahət edib.
Super Liqa
Final mərhələsi
3-cü tur
6 aprel
Azərreyl - İqtisadçı - 3:2 (25:21, 20:25, 27:29, 25:13, 15:10)
Bakı - Lokomotiv - 3:0 (25:17, 25:12, 26:24)
Turnir cədvəli: Rabitə - 6 xal (2 oyun, 6-0), Azərreyl - 5 (3, 6-5), Bakı - 3 (2, 3-3), Lokomotiv - 3 (3, 3-6), İqtisadçı - 1 (2, 2-6).
