4 aprel 2012 20:38
Rabitə və Bakıdan darmadağın
Bu gün qadın voleybolçular arasında Azərbaycan Super Liqasının final mərhələsinə start verilib. Azerisport.az xəbər verir ki, həlledici mərhələnin ilk görüşündə son çempion “Rabitə” və Çelenc kubokunun qalibi “Lokomotiv” qarşılaşıb.
Bir neçə gün əvvəl böyük zəfərə imza atan “dəmiryolçular” çempion qarşısında aciz qalıb. “Rabitə” rəqibinə heç bir şans tanımayıb.
Günün ikinci oyununda isə “Azərreyl” Çelenc kubokunun digər finalçısı “Bakı”nı sınağa çəkib. Bu oyunda da quru hesab qeydə alınıb. Belə ki, “Azərreyl” rəqibini 3:0 hesabı ilə yenib.
Qeyd edək ki, bu turda finalın 5-ci iştirakçısı “İqtisadçı” istirahət edib.
Super Liqa
Final mərhələsi
1-ci tur
4 aprel
Rabitə – Lokomotiv - 3:0 (25:10, 25:18, 25:16)
Azərreyl – Bakı - 3:0 (25:23, 25:16, 25:19)
Turnir cədvəli: Rabitə - 3 xal (3-0), Azərreyl - 3 (3-0), Bakı - 0 (0-3), Lokomotiv - 0 (0-3), İqtisadçı - 0 (0-0).
