18 mart 2012 18:50
Lokomotiv finalda! (YENİLƏNİB)
Azərbaycanın qadın voleybolçulardan ibarət “Lokomotiv” klubu bu gün Çellenc kubokunda yarımfinal mərhələsinin cavab oyununa çıxıb. Azerisport.az xəbər verir ki, təmsilçimiz bu mərhələdə Belçikanın “Gent” klubu ilə mübarizə aparırdı.
Bu komandalar arasındakı ilk qarşılaşma rəqib meydanında keçirilmişdi. Təmsilçimiz həmin oyundan qalib ayrılmaqla finala çıxmaq yolunda önəmli addım atmışdı. Bu uğurun davamını doğma meydanda da gətirməklə, həlledici oyuna vəsiqəni rəsmiləşdirmək lazım idi ki, komandamız bunu bacarıb.
Qeyd edək ki, “Lokomotiv” bu mövsüm öncə Macarıstan “Vaşaş”ı üzərində qazandığı zəfər sayəsində mərhələ adlamışdı. Ardından isə Xorvatiya “Split”i, Serbiyanın “Vizura” klubu və Çexiyanın “Kralovo Pole” komandası “dəmiryolçular”ın qarşısında duruş gətirə bilməmişdi.
Onu da əlavə edək ki, digər yarımfinal cütünün iştirakçılarından da biri Azərbaycan klubudu (Bakı) və finala çıxmağa çox yaxındı.
Çellenc kuboku
1/2 final (cavab oyunu)
18 mart
Lokomotiv – Gent - 3:0 (25:17, 25:22, 25:18)
İlk oyun
Gent – Lokomotiv - 0:3 (25:27, 24:26, 21:25)
