15 mart 2012 01:05
Lokomotiv Belçika klubuna səfərdə qalib gəldi (YENİLƏNİB)
Azərbaycanın qadın voleybolçulardan ibarət “Lokomotiv” klubu bu gün Çellenc kubokunda yarımfinal mərhələsinin ilk oyununa çıxıb. Azerisport.az xəbər verir ki, təmsilçimiz bu mərhələdə Belçikanın “Gent” klubu ilə mübarizə aparır.
Bu komandalar arasındakı ilk qarşılaşma rəqib meydanında keçirilirdi. Bu üzdən də təmsilçimiz finala çıxmaq üçün ilk növbədə səfər matçında sərfəli nəticə qazanmağa borcluydu. "Dəmiryolçular" bu vəzifənin öhdəsindən gələ bilib. Hər halda komandamız doğma meydanda baş tutacaq cavab görüşündə finala vəsiqəni əldən verənə oxşamır.
Qeyd edək ki, “Lokomotiv” bu mövsüm öncə Macarıstan “Vaşaş”ı üzərində qazandığı zəfər sayəsində mərhələ adlamışdı. Ardından isə Xorvatiya “Split”i, Serbiyanın “Vizura” klubu və Çexiyanın “Kralovo Pole” komandası “dəmiryolçular”ın qarşısında duruş gətirə bilməmişdi.
Çellenc kuboku
1/2 final (ilk oyun)
14 mart
Gent – Lokomotiv - 0:3 (25:27, 24:26, 21:25)
