29 fevral 2012 23:01
Rabitə ÇL-lə vidalaşdı (YENİLƏNİB)
Azərbaycanın qadın voleybolçulardan ibarət “Rabitə” klubu bu gün Çempionlar Liqasında 1/4 final mərhələsinin cavab oyununa çıxıb. Azerisport.az xəbər verir ki, təmsilçimiz bu mərhələdə Türkiyənin “Fenerbahçe” komandası ilə mübarizə aparırdı.
Bu komandalar arasındakı ilk qarşılaşma Bakıda keçirilmişdi. Azərbaycan çempionu doğma meydanda keçirilən görüşdə istəyinə nail ola bilməmiş və 0:3 hesablı darmadağınla üzləşmişdi – 0:3. Bu üzdən də komandamızın çətin səfərdə sensasiyaya imza atmaq şansları çox aşağı qiymətləndirildi. Gözlənildiyi kimi, türklər doğma meydanda da uğur qazanmaqla, "Dördlər finalı"na vəsiqəni rəsmiləşdiriblər.
Qeyd edək ki, “Rabitə” ÇL-in qrup mərhələsində məhz “Fenerbahçe” ilə yanaşı, Almaniyanın “Dresdner” və Fransanın “Mulhouse” klublarıyla mübarizə aparırdı. Komandamız pley-offa qrup ikincisi kimi vəsiqə qazanımışdı. 1/8 final mərhələsində isə “rabitəçilər” Polşanın “Atom” komandasından güclü olmuşdular.
Çempionlar Liqası
1/4 final (cavab oyunu)
29 fevral
Fenerbahçe - Rabitə - 3:0 (25:20, 25:17, 25:20)
