22 fevral 2012 18:19
Rabitə Fenerbahçe ilə bacarmadı (YENİLƏNİB)
Azərbaycanın qadın voleybolçulardan ibarət “Rabitə” klubu bu gün Çempionlar Liqasında 1/4 final mərhələsinin ilk oyununa çıxıb. Azerisport.az xəbər verir ki, təmsilçimiz bu mərhələdə Türkiyənin “Fenerbahçe” komandası ilə mübarizə aparır.
Bu komandalar arasındakı ilk qarşılaşma Bakıda keçirilib. Bu üzdən Azərbaycan çempionu doğma meydan amilindən yararlanıb, cavab oyununa sərfəli nəticə ilə yollanmağa çalışmalıydı. Lakin təəssüf ki, qardaş ölkə təmsilçisinə darmadağınla uduzan Azərbaycan çempionu vəziyyətini çətinləşdirib.
Qeyd edək ki, “Rabitə” ÇL-in qrup mərhələsində məhz “Fenerbahçe” ilə yanaşı, Almaniyanın “Dresdner” və Fransanın “Mulhouse” klublarıyla mübarizə aparırdı. Komandamız pley-offa qrup ikincisi kimi vəsiqə qazanımışdı. 1/8 final mərhələsində isə “rabitəçilər” Polşanın “Atom” komandasından güclü olmuşdular.
Çempionlar Liqası
1/4 final (ilk oyun)
22 fevral
Rabitə - Fenerbahçe - 0:3 (13:25, 24:26: 19:25)
