15 fevral 2012 13:41
Klublarımızın ÇL-dəki oyunlarının dəqiq vaxtı açıqlandı
Qadın voleybolçular arasında Avropa Çempionlar Liqasının 1/4 final mərhələsində ölkəmizi təmsil edəcək “Azərreyl” və “Rabitə”nin bu mərhələdəki oyunlarının vaxtları müəyyənləşib. Azerisport.az xəbər verir ki, komandalarımızdan biri ilk oyunu evdə, digəri isə səfərdə keçirəcək.
Belə ki, “Azərreyl” Rusiyanın “Dinamo” klubu ilə görüşəcək. Komandamız Kazan təmsilçisiylə ilk oyuna gevralın 22-də səfərdə çıxacaq. Cavab görüşü fevralın 28-də Bakıda keçiriləcək.
“Rabitə” isə Türkiyənin “Fenerbahçe” klubu ilə üz-üzə gələcək. Komandamız bu rəqibiylə ilk oyuna fevralın 22-də evdə çıxacaq. Azərbaycan çempionunun “sarı-lacıvərdlilər”lə cavab görüşü isə ayın 29-da İstanbulda keçiriləcək.
22 fevral
17:00. Rabitə - Fenerbahçe
Bakı. “Sərhədçi”.
20:00. Dinamo – Azərreyl
Kazan. İdman Sarayı.
28 fevral
18:00. Azərreyl – Dinamo
Bakı. İdman Sarayı.
29 fevral
21:30. Fenerbahçe – Rabitə
İstanbul. “Burhan Felek”.
