9 fevral 2012 13:28
Bakının Rusiya səfərinin dəqiq tarixi müəyyənləşdi
Qadın voleybolçular arasında Çellenc Kuboku yarışlarında ölkəmizi təmsil edən Azərbaycanın “Bakı” klubunun1/4 final mərhələsindəki ilk oyununun vaxtı müəyyənləşib. Azerisport.az xəbər verir ki, təmsilçimiz bu mərhələdə Rusiyanın “Omiçka” klubu ilə qarşılaşacaq.
“Bakı”nın sözügedən komandayla ilk oyunu səfərdə keçiriləcək. Görüşün fevralın 22-də Omskda keçiriləcəyi dəqiqləşib. Cavab görüşü Bakıda oynanılacaq. Lakin hələlik həmin oyunun vaxtı dəqiq bilinmir.
Maraq üçün xatırladaq ki, Çellenc kuboku yarışlarının ötən mövsümündə “Omiçka” Azərbaycanın digər təmsilçisi “Lokomotiv”ə uduzmuşdu. İndi “Bakı”nın eyni uğuru nə dərəcədə təkrarlaya biləcəyi maraqla gözlənilir. “Bakı”nın bu mövsüm öncə Fransanın “Evre”, ardından Kiprin “Apollon”, ən sonda isə Xorvatiyanın “Rijeka” klublarını üstələdəyini də qeyd edək.
