8 fevral 2012 19:18
Azərreyl ÇL-in 1/4 finalında! (YENİLƏNİB)
Azərbaycanın qadın voleybolçulardan ibarət “Azərreyl” klubu bu gün Çempionlar Liqasında 1/8 final mərhələsinin cavab oyununa çıxıb. Azerisport.az xəbər verir ki, təmsilçimiz bu mərhələdə İsveçrənin “Volero” komandası ilə mübarizə aparırdı.
Bu komandalar arasındakı ilk qarşılaşma rəqib meydanında keçirilmişdi. Həmin görüşdə təmsilçimiz çətinliklə də olsa, qələbəyə sevinmişdi - 3:1. “Azərreyl” Bakı İdman Sarayında baş tutan cavab görüşündə də qələbə qazanmaqla, növbəti mərhələyə vəsiqəni rəsmiləşdirə bilərdi. Gözlənildiyi kimi, Faiq Qarayevin yetirmələri bu vəzifənin öhdəsindən gələ biliblər.
Qeyd edək ki, “Azərreyl” ÇL-in qrup mərhələsində Türkiyənin “Vakıfbank”, İtaliyanın “Bergamo” və Rumıniyanın “Constanta” klublarıyla mübarizə aparırdı. Komandamız pley-offa qrup ikincisi kimi vəsiqə qazanıb.
Çempionlar Liqası
1/8 final (cavab oyunu)
8 fevral
Azərreyl – Volero - 3:0 (25:17, 25:18, 25:14)
