1 fevral 2012 01:34
Azarkeşlərimiz ən böyük uğuru hansı klubdan gözləyir?
Azerisport.az daha bir sorğusuna yekun vurub. “Sizcə, bu mövsüm avrokuboklardakı iştirakçılarımızdan hansı voleybol klubumuz daha böyük uğur qazana biləcək” sualı ilə müraciət etdiyimiz oxucuların yekun rəyini təqdim edirik.
Beləliklə, azarkeşlərin bu mövsüm avrokuboklarda daha çox ümid bəslədiyi komanda “Rabitə”di. Azərbaycan çempionu respondentlərin 59 faizlik səs çoxluğunu (294 səs) qazanıb.
“Azərreyl”ə isə 34 faiz azarkeş səs verib (167 səs). Yerdə qalan klublarımıza – “Bakı” və “Lokomotiv”ə bəslənilən ümidlər daha azdı.
Sonda onu da xatırladaq ki, hazırda “Bakı” və “Lokomotiv” Çellenc kubokunun, “Rabitə” və “Azərreyl” isə Çempionlar Liqasının 1/8 final mərhələsində mübarizə aparır.
