18 yanvar 2012 23:07
Bakı Kipr klubunu yenib, növbəti mərhələyə çıxdı (YENİLƏNİB)
Azərbaycanın qadın voleybolçulardan ibarət “Bakı” klubu bu gün Çellenc kubokunda 1/16 final mərhələsinin cavab oyununa çıxıb. Azerisport.az xəbər verir ki, təmsilçimiz Kipr “Apollon”u ilə qarşılaşıb.
Xatırladaq ki, təmsilçimiz bu mərhələyə Fransanın “Evre” klubu üzərində qazandığı zəfər sayəsində yüksəlmişdi. Paytaxtın eyni adlı təmsilçisi bu dəfə də oxşar aqibəti kiprlilərə yaşatdı.
Məlum olduğu kimi, 1/8 final yolunda ilk oyununu evdə keçirən “Bakı” doğma meydan amilindən maksimum yararlanaraq, rəqibini darmadağın etmişdi – 3:0. Komandamız cavab görüşündə də bu uğurun davamını gətirərək, sensasiyaya imkan verməyib. Nəticədə, paytaxtın eyni aldı klubu "Lokomotiv" kimi bu turnirin 1/8 finalına vəsiqəni rəsmiləşdirib.
Çellenc kuboku
1/16 final (cavab oyunu)
18 yanvar
Apollon - Bakı - 0:3 (15:25, 17:25, 13:25)
