18 yanvar 2012 01:00
Rabitə də qrup 2-cisi oldu (YENİLƏNİB)
Bu gün Azərbaycanın qadın voleybolçulardan ibarət “Rabitə” klubu Çempionlar Liqasının qrup mərhələsi çərçivəsində növbəti oyununu keçirib. Azerisport.az xəbər verir ki, təmsilçimiz qrup mərhələsində son səfər oyununa çıxıb.
Son Azərbaycan çempionunun bu dəfəki rəqibi isə Fransanın “Mulhouse” klubu olub. Xatırladaq ki, “Rabitə” ilk oyununu evdə keçirmiş və məhz Fransanın “Mulhouse” klubunu darmadağın etmişdi - 3:0. Ardından təmsilçimiz səfərdə Almaniya “Dresdner”inə gücünü göstərmişdi – 3:0. Lakin “Fenerbahçe” ilə səfərdə baş tutan oyunda Qoran Zayiçin komandası məğlubiyyətlə üzləşmişdi – 0:3. Buna baxmayaraq cavab oyununda “Rabitə” “Fenerbahçe”ni məğlub yola sala bilmişdi - 3:1. “Dresdner”lə ev oyununda da qələbə məhz Azərbaycan çempionuna qismət olmuşdu – 3:0.
Komandamız Fransada qrup mərhələsinə qələbə ilə yekun vurmaq şansına malik idi. Voleybolçularımız bu şansdan maksimum yararlanıblar. Lakin darmadağınla qazanılan qələbə "Rabitə"ni lider etməyə yetərli olmayıb. Nəticədə, "rabitəçilər" də "Azərreyl" kimi qrup ikincisi kimi növbəti mərhələyə çıxıb.
Çempionlar Liqası
B qrupu
17 yanvar
Mulhouse - Rabitə - 0:3 (16:25, 20:25, 17:25)
Qrupdakı son durum: Fenerbahçe – 15 xal (16-4), Rabitə - 15 очков (15-4), Dresdner – 3 (5-15), Mulhouse – 3 (3-16)
