13 yanvar 2012 01:27
Azərreyl lider ola bilmədi (YENİLƏNİB)
Azərbaycanın qadın voleybolçulardan ibarət “Azərreyl” klubu Çempionlar Liqasının qrup mərhələsi çərçivəsində bu gün növbəti oyununu kecirib. Azerisport.az xəbər verir ki, komandamız səfərdə İtaliyanın “Bergamo” klubu ilə qarşılaşıb.
Xatırladaq ki, D qrupunda mübarizə aparan təmsilçimiz bu mövsüm ilk görüşünü Rumıniyanın “Tomis Constanta” komandasına qarşı keçirmişdi və səfərdə darmadağına imza atmışdı - 3:0. İkinci görüş isə evdə İtaliyanın “Bergamo” klubuna qarşı olmuşdu ki, bu oyunda da təmsilçimiz 3:1 hesabıyla qələbə qazanmışdı. Türkiyənin “Vakıfbank” klubuyla dueldə də məhz “Azərreyl” qələbə qazanaraq, pley-offa vəsiqəni rəsmiləşdirmişdi. Lakin bu komandayla Türkiyədəki səfər matçı komandamızın məğlubiyyəti ilə bitmişdi – 2:3.
İtaliya klubu ilə bu dəfəki görüşün necə bitəcəyi isə maraqla gözlənilirdi. Təəssüf ki, oyuna yaxşı başlamayan "Azərreyl" ardıcıl iki setdə məğlubiyyətlə üzləşib. Üçüncü set komandamızın qələbəsi ilə bitsə də, məğlubiyyətdən qaçmaq cəhdləri mümkünsüz olub.
Çempionlar Liqası
D qrupu
12 yanvar
Bergamo – Azərreyl - 3:1 (25:23, 25:18, 22:25, 25:21)
Qrupdakı son durum: Vakıfbank – 11 xal (12-5), Azərreyl – 11 (12-7), Bergamo – 6 (9-10), Constanta – 2 (3-14).
