10 yanvar 2012 18:16
Rabitədən növbəti darmadağın (YENİLƏNİB)
Bu gün Azərbaycanın qadın voleybolçulardan ibarət “Rabitə” klubu Çempionlar Liqasının qrup mərhələsi çərçivəsində növbəti oyununu keçirib. Azerisport.az xəbər verir ki, təmsilçimiz qrup mərhələsində son ev oyununa çıxıb.
Son Azərbaycan çempionunun bu dəfəki rəqibi isə Almaniyanın “Dresdner” klubu olub. Qeyd edək ki, təmsilçimiz bu komanda ilı ilk oyununu səfərdə keçirmişdi və darmadağına imza atmışdı – 3:0. İndi voleybolçularımızın eyni uğuru təkrarlaması ehtimalı heç də az deyildi. Gözlənildiyi kimi, komandamız bu vəzifənin öhdəsindən gələ bilib.
Xatırladaq ki, “Rabitə” ilk oyununu evdə keçirmiş və Fransanın “Mulhouse” klubunu darmadağın etmişdi - 3:0. Ardından təmsilçimiz səfərdə Almaniya “Dresdner”inə gücünü göstərmişdi – 3:0. Lakin “Fenerbahçe” ilə səfərdə baş tutan oyunda Qoran Zayiçin komandası məğlubiyyətlə üzləşmişdi – 0:3. Buna baxmayaraq, son oyununda “Rabitə” “Fenerbahçe”ni məğlub yola sala bilmişdi - 3:1.
Çempionlar Liqası
B qrupu
10 yanvar
Rabitə - Dresdner - 3:0 (25:17, 25:17, 25:16)
Qrupdakı son durum: Rabitə - 12 (12-4), Fenerbahçe – 9 xal (10-3), Mulhouse – 3 (3-10), Dresdner – 3 (4-12).
