21 dekabr 2011 14:52
Polşa millisinin üzvü Bakı klubunda
Üç illik fasilədən sonra Çempionlar Liqası yarışlarına qayıdan Bakının qadınlardan ibarət “Azərreyl” klubu daha bir transfer edib. Azerisport.az xəbər verir ki, paytaxt klubunun Polşa millisinin voleybolçusu Karolina Koseklə danışıqları müsbət yekunlaşıb.
“Azərreyl” yerli “Lodz” klubunda oynayan 26 yaşlı voleybolçu ilə 6 aylıq müqavilə imzalayıb. Voleybolçu iki dəfə Polşa kubokunun sahibi olmuş, milli komandasının heyətində Universiadanın gümüş və bürünc medalına yiyələnib.
Qeyd edək ki, K.Kosek Almaniya və İsveçrədə legioner həyatı yaşayıb.
