20 dekabr 2011 19:15
Rabitə Fenerbahçeni məğlub yola saldı (YENİLƏNİB)
Bu gün Azərbaycanın qadın voleybolçulardan ibarət “Rabitə” klubu Çempionlar Liqasının qrup mərhələsi çərçivəsində növbəti oyununu keçirib. Azerisport.az xəbər verir ki, təmsilçimiz bu dəfə də evdə meydana çıxıb.
Son Azərbaycan çempionunun bu dəfəki rəqibi isə Türkiyənin “Fenerbahçe” klubu idi. Bu komanda ilk üç oyununda qələbə qazanmışdı. Türkiyə nəhənginin son qurbanı isə elə məhz “Rabitə” olmuşdu. Nəticədə bu komanda artıq növbəti mərhələyə vəsiqəni rəsmiləşdirmişdi. Təmsilçimiz vəziyyətini pisləşdirməmək üçün “Fenerbahçe”dən qisas almağa borclu idi. Hansı ki, komandamız bu vəzifənin öhdəsindən gəlməyi bacarıb.
Xatırladaq ki, “Rabitə” ilk oyununu evdə keçirmiş və Fransanın “Mulhouse” klubunu darmadağın etmişdi - 3:0. Ardından təmsilçimiz səfərdə Almaniya “Dresdner”inə gücünü göstərmişdi – 3:0. Lakin “Fenerbahçe” ilə ötən həftə səfərdə baş tutan oyunda Qoran Zayiçin komandası məğlubiyyətlə üzləşmişdi – 0:3.
Çempionlar Liqası
B qrupu
20 dekabr
Rabitə - Fenerbahçe - 3:1 (25:27, 27:25, 25:20, 25:17)
Qrupdakı son durum: Fenerbahçe – 9 xal (10-3), Rabitə - 9 (9-4), Mulhouse – 3 (3-7), Dresdner – 0 (1-9).
