12 noyabr 2011 00:02
Azərbaycan Çexiyanı yenib, finala adladı
Bakı İdman Sarayında voleybol üzrə qadınlar arasında təsnifatqabağı Avropa Olimpiya turnirinin yarımfinal mərhələsinin oyunları keçirilib. Azerisport.az xəbər verir ki, günün ilk matçında Ukrayna və Bolqarıstan yığmaları qarşılaşıblar.
Bu görüşdə Bolqarıstan voleybolçuları 3:1 (25:22, 25:20, 23:25, 25:17) hesabı ilə qalib gəliblər. Nəticədə bolqarlar turnirin yarımfinalına yüksələn ilk kollektiv olub.
Daha sonra isə Azərbaycan yığması Çexiya ilə üz-üzə gəlib. Yığmamız görüşə yaxşı başlayıb və ilk setdə qələbəyə sevinib – 25:16. İkinci seti çexlər qazanıb – 25:19. Lakin sonrakı setlər yenə millimizin qələbəsiylə bitib – 25:16 və 25:23.
Beləliklə, sözügedən turnirin həlledici görüşündə Azərbaycan və Bolqarıstan yığmaları üz-üzə gələcəklər.
Yarımfinal
11 noyabr
Ukrayna – Bolqarıstan - 1:3 (22:25, 20:25, 25:23, 17:25)
Çexiya – Azərbaycan - 1:3 (16:25, 25:19, 16:25, 23:25)
