10 noyabr 2011 01:03
Azərbaycan lisenziya mübarizəsinə məğlubiyyətlə başladı
Bakı İdman Sarayında keçirilən voleybol üzrə qadınlar arasında Avropa Olimpiya təsnifatqabağı turnir davam edir. Azerisport.az xəbər verir ki, ötən gün turnirin qrup mərhələsində ikinci turun oyunları baş tutub.
Günün ilk qarşılaşması A qrupunda mübarizə aparan Macarıstan və Çexiya milli komandaları arasında baş tutub. Çexiya voleybolçuları bu görüşdə 3:0 (25:18, 25:21, 25:17) hesabı ilə qalib gəliblər.
B qrupunda mübarizə aparan Azərbaycan millisi də ilk oyununu məhz ötən gün keçirib. Voleybolçularımız Bolqarıstan yığması ilə qarşılaşıblar.
Maraqlı idman mübarizəsi şəraitində keçən oyun Bolqarıstan millisinin 3:2 (18:25, 25:19, 19:25, 25:23, 15:7) hesablı qələbəsi ilə başa çatıb. Qeyd edək ki, yığmamız növbəti oyununu noyabrın 10-da Danimarka voleybolçularına qarşı keçirəcək.
