4 noyabr 2011 14:46
Azərbaycan çempionu üçün iki mükafat
Bakının qadınlardan ibarət “Rabitə” klubunun amerikalı legioneri Kimberli Qlass ölkəsində iki mükafata layiq görüləcək. Azerisport.az xəbər verir ki, Azərbaycan çempionunun adı noyabrın 4-də Arizona Universitetinin “Şöhrət zalı”na daxil ediləcək.
27 yaşlı voleybolçuya, həmçinin Arizona və Oriqon ştatlarının qarşılaşacağı matçın fasiləsində “Vayldkat Cersi” klubunun 86 nömrəli forması hədiyyə ediləcək və bu nömrə onun adına əbədiləşdiriləcək.
Qeyd edək ki, voleybolçu “Rabitə” ilə Azərbaycan çempionluğunu və Çempionlar Liqasının gümüş medallarını qazanıb.
