11 oktyabr 2011 18:42
Rabitə DÇ-yə qələbə ilə başladı (YENİLƏNİB)
Qətərin paytaxtı Dohada qadın voleybolçulardan ibarət klublar arasında təşkil olunan dünya çempionatı davam edir. Azerisport.az xəbər verir ki, bu gün turnir çərçivəsində daha bir oyun keçirilib.
Belə ki, Azərbaycan çempionu “Rabitə” DÇ-dəki ilk sınağında Tailandın “Çanq” klubunu sınağa çəkib. Qeyd edək ki, təmsilçimizdən fərqli olaraq, rəqibi artıq bir oyun keçirmişdi. Braziliyanın “Osasco” klubu ilə mübarizədə “Çanq” 1:3 hesabıyla məğlub olmuşdu. Bu dəfə isə Azərbaycan çempionu bu komandaya eyni aqibəti yaşadıb.
Qeyd edək ki, voleybolçularımız qrupdakı digər oyununu ayın 13-də keçirəcəklər və rəqib Braziliyanın “Osasco” klubu olacaq.
Sonda onu da bildirək ki, digər yarımqrupda da Türkiyənin “Vakıfbank”, Dominikanın “Mirador” və Keniyanın “Praysonz” klubları mübarizə aparırlar. Hər qrupdan növbəti mərhələyə 2 komanda yüksələcək.
Voleybol
Dünya çempionatı
11 oktyabr
Rabitə - Çanq - 3:1 (25:19, 21:25, 25:15, 25:17)
