9 oktyabr 2011 15:35
Rabitənin rəqibləri münasibətlərinə aydınlıq gətirdi
Qətərin paytaxtı Dohada qadın voleybolçulardan ibarət klublar arasında təşkil olunan dünya çempionatı davam edir. Azerisport.az xəbər verir ki, bu gün turnir çərçivəsində daha bir oyun keçirilib.
Belə ki, Braziliyanın “Osasco” klubu Tailand “Çanq”ı ilə qarşılaşıb. Görüş braziliyalıların 3:1 hesablı qələbəsi ilə yekunlaşıb.
Qeyd edək ki, bu iki komanda Azərbaycan çempionu “Rabitə” ilə eyni qrupda yer alır. Voleybolçularımız isə ilk oyununu oktyabrın 11-də keçirəcək. Təmsilçimiz həmin gün Tailand “Çanq”ı ilə qarşılaşacaq. Ayın 13-də voleybolçularımız qrupumuzdakı digər rəqib – Braziliyanın “Osasco” klubu ilə görüşəcəklər.
Sonda onu da bildirək ki, digər yarımqrupda da ötən gün Türkiyənin “Vakıfbank” klubu Dominikan “Mirador”u ilə qarşılaşmada darmadağına imza atmışdı – 3:0. Sabah bu qrupda “Mirador” Keniyanın “Praysonz” klubu ilə qarşılaşacaq. Hər qrupdan növbəti mərhələyə 2 komanda yüksələcək.
