24 sentyabr 2011 01:18
"Azərbaycan yığmasını darmadağın etsəydik, daha yaxşı olardı"
Türkiyə Voleybol Federasiyasının prezidenti Erol Ünal Karabıyık Avropa çempionatının ötən gün keçirilən Azərbaycanla oyunu ilə bağlı fikirlərini açıqlayıb. Azerisport.az xəbər verir ki, federasiya prezidenti millimizə 3:1 hesabı ilə qalib gələn Türkiyə yığmasının oyununu belə dəyərləndirib:
"Belə turnirlərdə ilk oyunlar çox riskli olur. Çox şükür ki, bu görüşdə qələbə qazandıq. Oyuna çox pis başladıq. Buna görə də ilk set rəqibin xeyrinə başa çatdı. Lakin sonradan komanda özünə gəldi və qələbə qazandıq. Ancaq Azərbaycanı 3:0 məğlub etsəydik daha yaxşı olardı. Bununla belə, millimizin Avropa çempionatına yaxşı başladığını söyləyə bilərəm".
