1 sentyabr 2011 19:35
Azərbaycan yığması İspaniyaya gedir
Voleybol üzrə qadınlardan ibarət Azərbaycan yığması Quba Olimpiya Kompleksində təlim-məşq toplanışı çərçivəsində Rusiyanın “Uraloçka” komandası ilə üç yoldaşlıq oyunu keçirib. Azerisport.az xəbər verir ki, qarşılaşmaların ikisində millimiz, bir görüşdə isə “Uraloçka” klubu qalib gəlib.
Sentyabrın 2-3-də yığma komandamız Rusiya voleybolçuları ilə daha iki yoldaşlıq oyunu keçirəcək. Sentyabrın 12-də isə voleybolçu qızlarımız təlim-məşq toplanışını davam etdirmək üçün İspaniyanın Barselona şəhərinə yola düşəcəklər. Yığma komandamız burada təlim-məşq toplanışları ilə bərabər, İspaniya klubları ilə yoldaşlıq görüşləri də keçirəcək.
Milli komandamız təlim-məşq toplanışlarını başa çatdırdıqdan sonra sentyabrın 21-də İtaliyanın Monza şəhərinə gedəcək. Komandamız burda sentyabrın 23-də burada start götürəcək Avropa çempionatında iştirak edəcək.
