27 iyun 2011 12:17
Azərbaycan çempionu Braziliya klubu ilə eyni qrupda
Qətərdə keçiriləcək voleybolçu qadınlar arasında klublararası Dünya çempionatının püşkatma mərasimi keçirilib. Azerisport.az xəbər verir ki, yarışda iştirak edəcək Azərbaycan çempionu "Rabitə"nin də rəqibləri müəyyənləşib.
Ötən mövsüm Avropa Çempionlar Liqasında final oynayan komandamız Braziliya çempionu "Unilever" və Asiya Çempionlar Liqasının qalibi olan Taylandın "Çang" klubu ilə eyni qrupa düşüb.
Digər qrupda isə "Kenya Prisons" (Afrika), "Caguas" (Puerto-Riko) və “Vakıfbank” (Türkiyə) klubları mübarizə aparacaq.
Qeyd edək ki, dünya çempionatı oktyabrın 8-14-ü aralığında Qətərin paytaxtı Dohada keçiriləcək. “Rabitə”yə yarımfinala vəsiqə qazanmaq üçün qrupunda ilk iki pillədən birini tutmaq lazım gələcək.
