25 iyun 2011 19:21
Azərbaycan klubları avrokuboklardakı rəqiblərini tanıdı
Azərbaycanın qadın voleybolçulardan ibarət klublarının “Çağırış Kuboku”ndakı, eləcə də CEV Kubokundakı rəqibləri müəyyənləşib. Azerisport.az xəbər verir ki, Bu ilk turnirdə ölkəmizi “Bakı” və “Lokomotiv” təmsil edəcək.
“Bakı” yoluna birinci mərhələdən başlayacaq və Kiprin “Famagustoy” klubuyla qarşılaşacaq. İlk görüş oktyabrın 8-9-da, cavab görüşləri isə 15-16-da olacaq. Cütün qalibi Fransanın “Evre” klubuna rəqib olacaq.
Digər paytaxt klubumuz “Lokomotiv” isə yarışa ikinci mərhələdən başlayacaq. Rəqib Macarıstan “Budapest”i olacaq.
CEV kubokundakı yeganə təmsilçimiz olan “İqtisadçı” da rəqiblərinin kimliyini bilib. “İqtisadçılar”
1/16 finalda Rumıniyanın “Dinamo” (Buxarest) klubuna rəqib olublar. Qeyd edək ki, “Lokomotiv”lə “İqtisadçı” ilk oyunlarını 29 noyabr - 1 dekabrda, cavab görüşlərini isə – 6-8 dekabrda keçirəcəklər.
