25 iyun 2011 14:47
Almaniya millisinin üzvü rəsmən Bakı klubunda (FOTO)
Azərbaycan çempionu “Rabitə” voleybol klubu növbəti bombasını partladıb. Azerisport.az xəbər verir ki, serbiyalı Mira Qoluboviç və Nataşa Krsmanoviç kimi ulduz mərkəz-blokçularına sahib olan “Rabitə” bu mövqeyə daha bir tanınmış oyunçu transfer edib.
Belə ki, Almaniya milli komandasının uzun illərdi ki, dəyişməz üzvlərindən olan 1982-ci il doğumlu Keti Radzuveyt novbəti mövsümdən etibarən Azərbaycan çempionunun şərəfini qoruyacaq. O, komandaya yerli çempionatla yanaşı Avropa və Dünya Çempionatlarında da yardım edəcək.
Kifayət qədər böyük təcrübəyə malik olan 196 sm boylu orta oyunçu dəfələrlə müxtəlif turnirlərin mükafatçısına çevrilməklə yanaşı göstərdiyi inamlı oyuna görə muxtəlif nominasiyalar üzrə də fərdi mükafatlara layiq görülüb. Təkcə 2003-cü il Avropa Çempionatında “ Ən yaxşı blokçu” mükafatını alması faktı artıq bu oyunçu haqda hətta onu tanımayanlarda belə müəyyən təəssüratlar yaradır.
Karyerası boyunca Almaniya, İtaliya klublarının şərəfini qoruyan Bundestim üzvünün Azərbaycan çempionuna faydalı olacağına ümid edirik.
