7 iyun 2011 11:50
Azərbaycan ÇL-də 2 klubla təmsil olunacaq
Azərbaycanın qadın voleybol klubları tarixi ərzində ilk dəfə Çempionlar Liqasında 2 komanda ilə təmsil olunacaq. Azerisport.az xəbər verir ki, ölkəmizi qitənin ən mötəbər yarışında “Rabitə” ilə yanaşı, “Azərreyl” də təmsil edəcək.
Komandalarımızın rəqibləri iyulun 1-də müəyyənləşəcək. Püşkatma mərasimi Avstriyanın paytaxtı Vyanada olacaq.
Qeyd edək ki, öncə “Azərreyl”in CEV kubokunda mübarizə aparacağı bildirilsə də, Avropa Voleybol Konfederasiyası və Azərbaycan Voleybol Federasiyası bu klubumuzun da Çempionlar Liqasında yarışmasına qərar veriblər.
