29 aprel 2011 18:44
Azərreyl də çempionla bacarmadı
Bu gün qadın voleybolçular arasında Azərbaycan Superliqasında final mərhələsinin 6-cı turunun oyunları keçirilib. Azerisport.az xəbər verir ki, “Dördlər finalı”nın Masallıda təşkil olunan ikinci mərhələsinin sonuncu turunda ilk olaraq meydana “İqtisadçı” və “Lokomotiv” çıxıb.
Cənub zonasındakı son tur “İqtisadçı” üçün uğursuz alınıb. Öncə “Azərreyl”ə qalib, ardından dünən “Rabitə” üzərindəki üstünlüyünü son anda əldən verən “iqtisadçılar” bu dəfə “dəmiryolçular”la gərgin matçda meydandan məğlub ayrılıb. Daha sonra isə “Azəreyl” ilə “Rabitə” öz ararlındakı münasibətlərinə aydınlıq gətirib. Son çempion yalnız ilk setdə uduzduğu rəqibi üzərində qələbə qazanaraq, vahid liderliyini möhkəmləndirib.
Azərbaycan Superliqası
Dördlər finalı
6-cı tur
29 aprel
İqtisadçı- Lokomotiv - 2:3 (16:25, 25:23, 19:25, 25:16, 13:15)
Azərreyl - Rabitə - 1:3 (25:23, 14:25, 12:25, 10:25)
Komandaların hazırkı turnir vəziyyəti belədi: Rabitə - 11 xal (17-9), Azərreyl – 9 (13-11), İqtisadçı – 8 (12-13), Lokomotiv – 8 (8-16).
