5 aprel 2011 00:27
Draqutin Baltiç ən azı mövsümün sonuna kimi ölkəmizdə çalışacaq
Qadın voleybolçulardan ibarət “Lokomotiv” klubunun baş məşqçisi Draqutin Baltiçin Bolqarıstan yığmasının baş məşqçisi təyin olunduğu iddia olunsa da, o, ən azı bu mövsümün sonuna kimi komandamızın sükanı arxasındakı fəaliyyətini davam etdirəcək. Bu haqda klub rəhbərliyi azerisport.az saytına açıqlamasında məlumat verib.
Superliqa klubunun rəhbərliyinin məlumatına görə, Baltiçlə əməkdaşlıq uzun müddət üçün nəzərdə tutulsa da, hər halda onun mövsümün sonunda “Lokomotiv”dən gedişi də istisna olunmur. Lakin baş məşqçinin ən azı mövsümün sonuna kimi postunda qalacağı dəqiqdi.
Qeyd edək ki, Bolqarıstan mətbuatı artıq Draqan Baltiçin bu ölkənin yığma komandasının sükanı arxasına gətirildiyini iddia etməyə başlayıb.
