29 mart 2011 19:59
Çelenc kubokunda Azərbaycan finalı: Azərreyl 1 addım öndə (YENİLƏNİB)
Bu gün “Sərhədçi” idman kompleksində Çelenc kubokunun final oyunu keçirilib. Azerisport.az xəbər verir ki, qitəmiqyaslı turnirin həlledici matçında uğurlu mövsüm keçirərək bütün rəqiblərini mübarizədən kənarlaşdıran iki Azərbaycan klubu – “Azərreyl” və “Lokomotiv” münasibətlərinə aydınlıq gətirib.
İstənilən halda sözügedən turnirin baş mükafatının Bakıda qalacağı dəqiqdi. İndi sadəcə onun iki komandamızdan hansısa qismət olacağı sual doğurur. Bunu da qısa zaman kəsiyindən bilmiş olacağıq. İlk duelə gəlincə, qarşılaşmaya yaxşı başlayan "Lokomotiv" sonradan rəqibinin təzyiqlərinə davam gətirə bilmədi. Nəticədə "Azərreyl" gərgin və maraqlı mübarizəyə səhnə olan qarşılaşmada əzmkar qələbə qazanaraq, cavab görüşü öncəsi üstünlüyə yiyələnib.
Çelenc kuboku
Final (ilk oyun)
29 mart
AZƏRREYL - LOKOMOTİV - 3:1 (23:25, 25:20, 25:16, 25:22)
