20 mart 2011 21:25
Rabitə Avropa ikincisi oldu (YENİLƏNİB)
Bu gün İstanbulda Azərbaycan çempionu “Rabitə” voleybolçu qadınlar arasında Çempionlar Liqasının final görüşündə Türkiyə təmsilçisi “Vakıfbank”la görüşüb. Azerisport.az xəbər verir ki, dünən “Dördlər finalı” çərçivəsində İtaliya çempionu “Skavolini”yə qalib gələn təmsilçimiz “Fenerbahçe”ni qızıl medallardan edən bu rəqibi ilə çətin duelə çıxıb.
Qeyd edək ki, Deyan Brdjoviçin yetirmələri indiyə qədər heç bir Azərbaycan klubunun bacarmadığını edə bilərdi. Vaxtilə bir dəfə “Dördlər finalı”na çıxmış “Azərreyl” həmin dövrdə 4-cü yerlə kifayətlənmişdi. Lakin artıq daha qabağa getməyi bacaran “Rabitə” ilk dəfə ölkəmizə ÇL-in qalibi adını qazandıra bilərdi. “Vakıfbank” isə daha güclü Türkiyə klubunu mübarizədən kənarlaşdırmaqla sensasiyaya imza atmışdı və təmsilçimizi heç də asan görüş gözləmirdi. Gözlənildiyi kimi, komandamız meydan sahibləri dueldə demək olar ki, heç bir şeyə nail ola bilmədi. Nəticədə komandamız ÇL-in gümüş mükafatı ilə kifayətlənib.
Çempionlar Liqası
Final
20 mart
Vakıfbank – Rabitə - 3:0 (25:13, 25:20, 25:18)
