Avrokuboklarda Azərbaycan derbisinin vaxtı müəyyənləşdi
Avrokuboklarda Azərbaycan derbisinin vaxtı müəyyənləşdi
Voleybol üzrə “Çellenc kuboku”nun yarımfinal oyunlarının vaxtı müəyyənləşib. Xatırladaq ki, bu turnirdə üç qadın voleybol klubumuz iştirak edir.
Azerisport.az xəbər verir ki, Lokomotiv və İqtisadçı arasında görüş 16 və 20 Martda baş tutacaq. Hər iki oyun saat 18:00-da başlayacaq. AzərReyl və Uraloçka (Rusiya) arasında ilk oyun Martın 15-i saat 18:00-da başlayacaq. Cavab oyunu isə Martın 19-u yerli vaxtla saat 17:00-da (Bakı vaxtı ilə saat 16:00) Yekaterinburqda baş tutacaq.
Cütlərin qalibləri finalda qarşılaşacaqlar. Final oyunları Martın sonu - Aprelin əvvəllərində oynanılacaq. Xatırladaq ki, qaydalara görə iki oyunluq mübarizəni hər iki oyunda qazanmış komanda qalib sayılır. Tərəflər oyunları bölərsə, partiyaların fərqindən asılı olmayaraq “qızıl set” oynanılır.
