22 fevral 2011 19:25
Lokomotiv alman maşınını məğlub yola saldı (YENİLƏNİB)
Bu gün “Sərhədçi” İdman Kompleksində Azərbaycanın qadınlardan ibarət “Lokomotiv” klubu Çelenc Kubokunun 1/4 final mərhələsi çərçivəsində ilk oyununa çıxıb. Azerisport.az xəbər verir ki, təmsilçimizin bu mərhələdəki rəqibi Almaniyanın “Şveriner” klubudu.
Qeyd edək ki, mütəxəssislər bu cütdə məhz Azərbaycan klubunun favorit olduğunu düşünür. Bu üzdən cavab görüşü öncəsi təmsilçimiz doğma meydandakı qarşılaşmada mütləq inamlı qələbə qazanmalıydı. Lakin ilk setdə bir qədər çətinliklə qarşılaşan "Lokomotiv" rəqibinə xal vermədən qələbə qazansa da, hər halda səfərdə işi heç də asan olmayacaq.
Çelenc Kuboku
1/4 final (ilk oyun)
22 fevral
18:00. LOKOMOTİV - ŞVERİNER - 3:0 (25:23, 25:19, 25:16)
