8 fevral 2011 17:40
İqtisadçı ilk 1/4 finalçımız oldu (YENİLƏNİB)
Bu gün voleybolçu qadınlar arasında “Çelenc Kuboku”nun 1/8 final mərhələsinin cavab oyunları keçirilib. Azerisport.az xəbər verir ki, Azərbaycan klublarından “İqtisadçı” bu mərhələdəki ilk oyununu səfərdə keçirdiyindən, cavab görüşünə doğma meydanda çıxıb.
Komandamız bu mərhələdəki rəqibi olan Rumıniyanın “Stiinta” komandasını səfərdə darmadağın etdiyindən, doğma meydanda da eyni uğuru təkrarlayıb, adını növbəti mərhələyə yazdıracağı şübhə doğurmurdu. İlk iki seti rahat qazanan təmsilçimiz üçüncü setdə rəqibin müqaviməti ilə üzləşsə də, növbəti setdə ümumi qələbəni təmin edərək, ölkəmizin 1/4 finaldakı ilk təmsilçisi olub.
Çelenc Kuboku
1/8 final (cavab oyunu)
8 fevral
16:00. İQTİSADÇI – STİİNTA - 3:1 (25:17, 26:24, 23:25, 25:10)
(İlk oyun – 3:0)
