4 yanvar 2011 18:41
Azərbaycan çempionu İtaliyada problemlə üzləşdi
Azərbaycanın qadın voleybolçulardan ibartət `Rabitə` klubu İtaliyada problemlə üzləşib. Azerisport.az xəbər verir ki, Çempionlar Liqasının qrup mərhələsi çərçivəsində bu ölkənin `Skavolini` klubuyla səfər oyunu üçün İtaliyaya gedən təmsilçimizi orda yaxşı qarşılamayıblar.
Belə ki, Azərbaycan çempionunun rəhbərliyi onlara göstərilən münasibətdən qətiyyən razı qalmayıb. `Rabitə` üçün daha bir problem isə qidalanmayla bağlı olub. Belə ki, italyanların təklif etdiyi yeməklərlə Azərbaycan çempionunun tələb etdiyi yeməklər üst-üstə düşmədiyindən, növbəti problem yaranıb.
İtalyanların onlara təqdim etdiyi otelin şəraitinin çox pis olduğunu görən təmsilçimiz dərhal öz hesablarına yeni, daha yaxşı şəraitə malik otel tapmaq məcburiyyətində qalıblar.
Xatırladaq ki, `Azərreyl` 8 il öncə də İtaliyada `Modena` ilə oyun öncəsi belə problemlərlə üzləşmişdilər.
