19 dekabr 2010 20:29
`Azərreyl` `Lokomotiv`ə qalib gəlib, zirvədə qaldı (FOTOLAR)
Bu gün voleybolçu qadınlar arasında Azərbaycan Superliqasının növbəti turunun oyunları keçirilib. Azerisport.az xəbər verir ki, “Sərhədçi” İdman Kompleksində baş tutan 4-cü turun görüşlərində ciddi sensasiya qeydə alınmayıb.
Hesabat turunu `Şirvan`la `İqtisadçı` açıq elan edib və rəqibinini müəyyən müqavimətilə üzləşməsinə baxmayaraq, “iqtisadçılar” qələbəni bayram edib. Ardından son ölkə çempionu `Rabitə` `Bakı`nı sınağa çəkib və gözlənildiyi kimi asan qələbəyə sevinib. Ən nəhayət sonda “Çelenc kuboku”nda ölkəmizi uğurla təmsil edən iki klub - `Azərreyl` və `Lokomotiv` öz aralarındakı münasibətlərə aydınlıq gətiriblər. `Azərreyl` rəqibinə nisbətən daha üstün oyun sərgiləməklə, inamlı qələbə qazanıb və zirvədəki mövqeyini qoruyub.
Azərbaycan Superliqası
4-cü tur
Şirvan – İqtisadçı – 1:3 (14:25, 26:24, 22:25, 15:25)
Bakı – Rabitə - 0:3 (20:25, 19:25, 17:25)
Azərreyl – Lokomotiv – 3:0 (28:26, 25:13, 27:25)
Hazırda turnir cədvəlindəki son vəziyyət belədir: Azərreyl - 7 (10-3), İqtisadçı - 7 (9-5), Rabitə - 6 (9-1), Bakı - 5 (4-9), Şirvan - 5 (4-11), Lokomotiv - 3 (2-9).
