17 dekabr 2010 02:00
`Azərreyl` yenə Yunanıstan klubuyla üz-üzə
Voleybolçu qadınlar arasında təşkil olunan “Çelenc Kuboku”nda Azərbaycan təmsilçilərindən daha birinin - `Azərreyl`in də rəqibinin kimliyi aydınlaşıb. Azerisport.az xəbər verir ki, təmsilçimiz bu turnirin 1/16 final mərhələsində yenə Yunanıstan klubu ilə qarşılaşacaq.
Yunanlar CEV Kubokuna "Galatasaray"a məğlubiyyətlə başladılar və təsəlli kimi avrokubokda çıxışlarını aşağı dərəcədə davam edirlər. Reqlamentə görə, Vüqar Əliyevin yetirmələri ilk görüşü yanvarın 4, 5, və ya 6-da səfərdə, cavab görüşünü isə 11, 12, və ya 13-də səfərdə keçirəcəklər.
Maraq üçün qeyd edək ki, komandamız 1/16 final mərhələsinə vəsiqə uğrunda da məhz Yunanıstan klubuyla - `Markopulo`yla mübarizə aparırdı və hər iki görüşündə rəqibinə set vermədən qalib gəlmişdi.
