Dördlər finalı ikinci dəfə Bakıda

Voleybol üzrə qadınlar arasında AVK kubokunun “Dördlər final”ı Bakıda keçiriləcək. Azerisport.az Avropa Voleybol Konfederasiyasının rəsmi saytına istinadla xəbər verir ki, matçlar martın 20-21-də paytaxtımızda təşkil olunacaq. “Dördlər finalı”nda təmsilçimiz “Rabitə”dən başqa İtaliyanın “Yamamay”, Rusiyanın “Uraloçka” və Serbiyanın “Srvena Zvezda” komandaları qələbə uğrunda mübarizə aparacaq.

Xatırladaq ki, 2002-ci ildə Top komandalar kubokunun final turniri Bakı İdman Sarayında təşkil olunmuş və Avstriya, Serbiya və Polşa təmsilçiləri mübarizədən qalib ayrılan “Azərreyl” ölkəmizin tarixində ilk avrokubok qazanan voleybol komandası olmuşdu.