Rövşən Bayramov bürünc medal şansını da boşa verdi

Rio-de-Janeyroda keçirilən XXXI Yay Olimpiya Oyunlarında bu gün yunan-Roma güləşi üzrə yarışlara start verilib. Azerisport.az xəbər verir ki, güləş yarışlarının ilk günündə 59 və 75 kq çəki dərəcələrində yunan-Romaçılar arasında qaliblər müəyyənləşib.

Azərbaycan güləşçilərindən ilk gündə Rövşən Bayramovla Elvin Mürsəliyev yarışıb. Elvin 1/4 finala qədər irəliləsə də, misirli və qazax güləşçiləri üzərindəki qələbədən sonra macar rəqibinə uduzub. Amma o da yarımfinalda uduzduğundan, Mürsəliyev bürünc medal şansı da qazanmayıb.

Rövşən isə Venesuela və ABŞ güləşçiləri üzərindəki qələbə sayəsində yarımfinala çıxıb. Amma burada yaponiyalı rəqibinə uduzduğu üçün bürünc medal uğrunda mübarizə aparmaq məcburiyyətində qalıb. Təəssüf ki, Bayramov norveçli rəqibi ilə mübarizədə də uduzub və medal qazana bilməyib.

59 kq
1/8 final - Rövşən Bayramov - Rayber Orozko (Venesuela) - 8:0
1/4 final - Rövşən Bayramov - David Tilke (ABŞ) - 9:0
1/2 final - Rövşən Bayramov - Ota Şinobu (Yaponiya) - 2:4
Bürünc medal görüşü - Rövşən Bayramov - Stiq-Andre Berq (Norveç) - 1:1*

75 kq
1/16 final - Elvin Mürsəliyev - Mahmud Sebie (Misir) - 2:1
1/8 final - Elvin Mürsəliyev - Dosşan Kartikov (Qazaxıstan) - 5:1
1/4 final - Elvin Mürsəliyev - Peter Baçi (Macarıstan) - 0:5