AZTOP liderə çatdı

Azərbaycan Dövlət Neft və Sənaye Universitetinin idman zalında kişilər arasında ölkə çempionatının 12-ci turunun oyunları keçirilib. Azerisport.az xəbər verir ki, qarşılaşmalardan AZTOP-la "Sıçrayış"ın kəskin qarşıdurmasını qeyd etmək lazımdır.

Yalnız dördüncü hissədə AZTOP basketbolçularının daha "ağıllı" oyun nümayış etdirməsi nəticəsində onlar "Sıçrayış"ı üstələyə biliblər - 76:69.

Digər oyunların nəticələri isə belə olub:

"Dərviş" - BDU - 101:74
"Baku Oilers" - "Araz" - 83:52

"Bakı" - "NTD" oyunu NTD-nin heyətinin U-18 yığmasının təlim-məşq toplanışına qatıldığına görə mart ayının 10-na keçirilib.

Turnir cədvəli

AZTOP - 20, NTD - 20, "Baku Oilers" - 19, "Dərviş" - 18, "Bakı" - 18, "Sıçrayış" - 17, "Araz" - 14, BDU - 12.