Kubok yarışlarına yekun vuruldu

Xəbər verdiyimiz kimi dekabrın 9-da "The Club Port Baku"nun basketbol meydançasında U-12 və U-14 yaş qrupları arasında "Samsung" Kubokunun final qarşılaşmaları keçirilib. Azerisport.az xəbər verir ki, birinci oyunda Səbail UGİM-in komandası böyük üstünlüklə Təhsil RİOEUGİM-in yeniyetmə basketbolçularına qalib gəlib (54:13 /10-3, 16-7, 12-0, 14-3/).

U=14 yaş qrupunda isə Təhsil RİOEUGİM-in yetirmələri "Makkabi" MİİB-Sabuncu UGİM-in uşaqlarına məhsuldar basketbol oyunu "dərsini" keçərək onları məğlub edib (74:35 /26-17, 22-14, 21-4, 5-10/).

Qalib komandalar kubok, medal və Gənclər və İdman Nazirliyinin diplomları ilə mükafatlandırılıblar.